خواطر- اية الابنودى

وحشتني مصر، مصر بتاعتي إللي بشوفها في بالي

اللي اطمن فيها على عيالي ..25 يناير غيرت كتير



بس أنا نفسي النفوس تكمل التغيير..



ترد الحق لأصحابه من غير تباطؤ ولا تأخير



نفسي الشباب يآمن بجد .. يقوم ، يصلح، يعلي ، يكبر وميخنش ورود التحرير ..اللي طلعوا إسم مصر في العالي واللي بشوف نفسي واحد منهم ساعة في خيالي



هو أنا بطلب المستحيل؟؟ عايز بلد تحترم الكبير



أنا مش خبير ، يمكن بحلم بالمستحيل .. بس التحرير كان مستحيل ..



أنا بغير.. بطبعي بغير .. لما أشوف بلد جميل في وش طفل صغير عنده أمل ف بكرا



بس ولدي أنا يقدر يحرك جبل ..حمال اسية نادى بثورة مصرية .. فتحت طريق من نور.. زرعت بذور هزت ميدان ..



بصراحة أنا قلقان ..قلقان على بلد نسيت معنى الإبتسامة -عودت نفسها عالملامة .. ليهم حق يضيع الضمير منهم ..سنين ووطنهم بعيد عنهم



سكنت الأهات قلوبهم ..بلعت صوتهم ..جردتهم من أبسط حقوقهم ..كلي سموم .. كلي ظنون خايف من اللي هيكون .. لو الشباب نسي الميدان دم شهدانا هيبقى ديدان.. مش هنام .. أكيد قلقان



أنا المصري أنا القرفان أنا الغلبان نفسي ف بلد تقدر الإنسان ..نفسي أتكلم بصوت عالي أكمل ثورة عملها الشبان ..

أقول كلام مجرد كلام .. يمكن ينسيني إلي كان ..



يديني أمل ف وطن أحسن ..



أنا المصري أنا المريض أنا الجاهل أنا البعيد



واقف ف الطابور مستني الرغيف مستني أعيش .. واقف بعافر فالأتوبيس ..



أنا إلي نستني الهموم همي ..بقيت خسيس، مش ظريف، بقيت تعيس ..



حرجع وألوم النظام القديم كان عقيم ..



لزم أغير اللي كان أنا النديم أنا عرابي أنا سعد .. أنا واحد من المصريين ..



أنا حزين



كان لي حلم صغير ..بس حرك ميادين ..حرك شعوب ..هز القلوب ..ادى أمل لكل المحرومين ..المذلولين اللي قضوا حياتهم ماشيين ..تايهين ..ذي السكرانين مش دريانين



نفسي الحلم يكمل وألاقي مصر بتاعتي من تاني..



مزروعة أماني والطير يرجع البناني ..



الضمير لازم يعود ..يوحد شعوب



يمحي الألم وأكتب كلام .. وأحكي اللي كان بقلب جامد ..حكاية شعب صامد



شعب واحد



شعب شارك .



شعب ببصيرة جديدة شعب واعد

مش مجرد



شعب شاهد